Otsailaren 7tik 10era CN Bartzelonako Nova de l´Escullera igerilekuan Espainiako Neguko Open Master Txapelketa ospatzen ari dira. Guztira 128 igeriketa talde eta 1.094 igerilarik hartuko dute parte egun hauetan zehar. Gure taldetik 15 igerilari master izango dira Bartzelonan.

Atzo 1. jardunaldia jokatu zen eta lehenengo domina atera genuen, hain zuzen ere, Lourdes Aguirre Azpeitiaren eskutik. Lourdesek 800m libreak igeri egin zituen 55-59 urte bitarteko kategorian eta bere marka hobetuz (13.26.72) 3. postuan sailkatzea lortu zuen. Kategori honetako irabazlea, C. Tenerife Master taldeko Aranzazu Aranega izan zen (12.10.63) eta 2. sailkatua CN Jerez taldeko Dolores Polonio (12.53.26).